Omu biro byaira muno hakaba haroho omusaija ayagonzaga kulya wenka na
munu muno obu yabaga eri nyama.

Kiro akagenda kuhiiga yaaitayo omusu. Hanyuma yagamba mukazi we agutalike gube mukaro nukwo asobole kuliiraho ebiro bingi.

Kiro kimu mukazi akacumbaho ekicweeka kyo mukaro nukwo iba alye nkokuyagonzaga.

Obwakaba nagenda kwihura akagya kurora omu irembo omutaahi naija. Aho naho yagamba mukazi we amukubi agusereke hansi yekitabu nomurro aguzimye.

Omutaahi bamwetaga Bagenda,yahika. yagamba ati, "kodi kodi, abakunu muliyo?
Omusaija yagarukamu, "eh,tuliyo! Taaha omunju."

Nandi omusaija,'"munywani wange, bagenda, webale kwija. Bali bata abaawe?"

"Bagenda yamugarukamu kurungi hanyuma yamugamba ngu abaire amazire
ebiro atakumurora nahabweki yasasaraho kwija kumurora basobole
kunyumya na munywani we ogu oweira muno.

Bagenda akaba nahurra omukaro niguboya yanihira ngu baija kwihura nawe bamuheho.
Kyonka bataihule. Omusaija yamwikaza mu kunyumya engambo zitakuhwa.

Aho Bagenda nuho yagambiire,"bagenzi bange ngenzire.
Obuyaturukire aheeru akeesereka haihi nenju.

Bwangu, bwangu omukazi
yaihayo sefuliya, yatagasa omukubi batandika kulya.

Omukasumi ako kenyini, Bagenda yagaruga yakonkona, obubakwingwireho akagya kurora
nibalya amukaro. nandi bbo.

Bagenda yagamba omusaija, "eh!eh! Munywani wange ntamanya mubaire
muserekere ebyukulya!"

"Ija tulye!" Omukazi yagamba Bagenda, "nandi we, mulye ebyokulya byanyu, baitu muswaire. muleke obwimi."