Ọke ọvo erọ, omophrẹn ọvo e se Imojo, ọ dià órere e sé Baro. Ogbeyin ugbeyan rọ̀yẹn.

Imojo ọyen ọyikọ, ọyan kpẹ óvuẹ gangan, ọ sa yan kpa sa oshesheri.

Ẹdẹ ovo, Okpohrokpo Ovie na kò se Imojo rẹ.

Okpohrokpo Ovie na gụọnọ jo omamọ óvuẹ, kpasa orere ofa,ómóni rọyen Adjanakpo, ọyen ovie etiyin na.

Ọke Ogbeyin wo nyo, kọ rioma.

Ọ we ukebro wo ke Imojo, "Wọ rhaa, ọ kpa ụdị erowẹ. Ovie guọnọ rehẹ owẹ wo ru izobo."

Oshọmu Imojo. Ede ọ̀kẹ́ kò, kọ rha mrẹ ómóni rọyen Okokoroko, Imojo kọ vuè ọbọ Ogbeyin ta rẹ.

Okokoroko oshẹ Ogbeyin buyotaa.

"Me ke kere emu ovwevwerhe wọ kọ vwẹ ason na," Etiọyẹ Ogbeyin ta rè ọ ke ofa ọwọ mre Imojo.

Imojo kọ ghogho kpẹ uvwewin rẹ Ogbeyin dia rẹ nyẹmu ason.

Ọke Imojo wo sherhen, ọyen Ogbeyin da ri ariri wọ rurho Imojo motọ, kọ yarhan a guonẹ èbi urhen.

Imojo ra sa kparomaa. "Sivwe o! Sivwe o!" o de viẹ.

Okokoroko sì kẹ ruvwewin rẹ Ogbeyin, ó nyo uhuru rẹ Imojo owo kpere.

"Imojo, Imojo," ko seri.

"E Okokoroko! Mọ re sivwe o!" Imojo kọ roma ta wo ke.

Kò ghẹ kpatakpata kpẹ asa na. Ko sivwon nu ariri na.

Imojo ko yerhen Okokoroko ka ghẹre.

Imojo ko vuẹ Okpohrokpo obo ewiare. Ovie na kọ ghẹ Ogbeyin ne orere na.