Ovie ọvo erọ evun rẹ owọ abadi ubrotọ rẹ Okugbe. Ovie na je rioja kaka devoo.

Ọdiẹ ibraroo.

Ọ vrẹren urhiọke ọvo ko roro obe oja ka dia. O phiẹ uyovwin kpotọ, "Igbere bun akpọna nọ. Ke emavọ mi sa phioma vwẹ ukpokpoma rayen?" kọ nẹ oma rọyen.

Urhiọke vẹ ason ko guọnọ ebe ọyen sa mrẹ be oja ephan abọvo.

Ẹdẹvo, kọ vwerhẹvwerhẹn ko nyẹn urhurhu, "Mi nyẹn odavwẹ wen re. Wọ ka mre be oja ephan ubrọke kpren."

Wọ cha mẹ ekọ ide ighwrẹ ọ rọ sa mun ehwahwa efe vẹ emọ wen. Siẹnẹ wo kpo utu ubrotọ rẹ Okugbe." Oma kọ nabọ vwerhẹn Ovie na.

Bensiẹn wọ ke ta, Ovie na bẹn ekọ na nure. Kọ ghwẹ ehwahwa efe vẹ emọ rọyen phiyọ.

Odẹ ọcha na kẹ ẹdẹ rode, Ovie ko yọrhẹ orẹ evun rẹ orere na. Ihwo eje rhi re. Ajanakpo, eredekọ, ifiotọ, isekpe, ephran vẹ isakpa ji rhe ore na.

Ovie na ko vwẹ unu kpahẹ ota, "Me vwẹ vẹ emọ me muegbe avwanre wo biokọ kpo utu ubrotọ Okugbe. Avwanre guọnọ mrebe oja rẹ ihwo dia."

Ihwo ke rhẹn ohwohwo. Eta Ovie na shephiyo ẹwẹn rẹ Ekpako. Bọti ono sa nọ ikwẹshọni!

"Ovie wo su tọn," urhurhu ọvo ko kperi. Eravwen eje kayen dudi gbeyevwen vẹ ovie na.

Ẹdẹ r'ivẹ, ovie na vẹ emọ rọyen kayen bi ruẹ abadi.

Ẹsosuọ ẹdẹ ivẹ, ekọ na bi vwẹ urhie na. Enu na ruru phrephrephre, Abadi na ruru rien, ekọ-ebiona ọ rẹ ufuoma.

Ẹdẹ erha na, Abadi kọ mwawan rhe. Enu na ko biphiyọ. Ọkpọghọ rode kọ magha ruayen. Ekọ eje ki shuru. Ovie ko begheri ọ wọ mre ehwahwa efe vẹ emọ rọyen ruevun abadi na.

Ovie na ọvo ọyen rhọre. Bọti o wenẹ oma kpẹ ọkeghọrọ re.

Ọkeghọrọ kọ dan kpẹ unuerhurhu na. Ko roro siẹ emọ vẹ ehwahwa efe rọyen sa rhivwin re evun abadi na.

Ovie dan ruẹ Abadi abọ san san. Ọ sa mre emọ vẹ umute ehwahwa efe rọyeen.

"Mi ye roro nẹ ọtiọna ọkadia, manẹ mi yerẹn ute akpọ me," kọ viẹre evun ẹwẹn.