Alͻkͻ ηine, Ka ador dəde bak Pa nesaη. Kͻ kͻka thɛns dardi. Kͻ ͻkͻnɛ ka opadi kͻn məteηte kamarkͻ e. Kɛrɛ ͻbapɛ kͻ.

Pa nesan yi adoraη, kͻ ͻtamtamne kətemp. Kͻ kala amera ka anstor aηbͻkͻ ya ropet mambɛnɛ ɛyɛt ɛdi e.

Kͻ məlməlanɛ ka aηstor. Kͻ kͻkeya ɛlop yi ɛbana.

Mͻyi kakəwur e, ka anfɛth anənk makͻth mͻ mətenkər, ka antͻri ͻbͻkͻ kin. Ka aηbͻkͻ bəlbəl kͻ.

Yi ɛpͻkit ɛla, pa nesan kͻpo nesa, kͻ ͻyema gbukɛ. Aηbͻkͻ ka angbip kͻ. Ka anbɛη tak thalər kͻ.

"Tas gbͻlkͻ ka ansar ηaropet," Yalͻl, Ukin ka aηbͻkͻ kͻ ͻpa.

Pa nesaη kͻ ͻshel ͻbanaa, kͻ ͻkanɛ aηbͻkͻ, "Ɔkasbom kami ka an sar ηe royi. Mən Gbͻl mi di e, pəbalanɛ mͻ kpa nə po kerami roseth kami. Mͻmͻnu! Mͻmͻnu!" Aηbͻkͻ ka anbɛη tak tegbͻlkͻ.

"Tas Tapər kͻ ka anant," Yangbet kͻ ͻpa. Pa nesaη kͻ ͻshel sͻ ͻbanaa, kͻ ͻkanɛ aηbͻkͻ, "Ɔkarabom kami bͻthər mi finͻͻ, kͻnͻ ba ɛnant thͻbɛɛ. Man lakmi ka anante pəbalanɛ mͻkəpa nəpolak mi roseth kami. Mͻmͻnu! Mͻmͻnu!" Aηbͻkͻ ka aηtəlnɛ ͻləs.

"Tas bot ɛyɛt ɛdi ka kakəblai, sətapər kͻdi səfitha kͻ robaη. Yaηbana kͻ ͻpa. Mə Pa nesaη ͻtəl ate, kͻ ͻkulͻ." Nəpo yaη difmi-o Maη aηbͻkͻ aηtəlakͻe, Kapbͻnɛ ηa. Ka aηtapsər kabəlai, ka ambot kͻdi ka anfitha kͻ kakəbaη.

Mͻ ͻpobek ka kabath ratͻηe. Pa nes kͻ ͻyͻ məbͻnɛ. Kͻ ͻgbashi ɛdi ɛlͻm kͻ ͻηaη ka shel aηbͻkͻ.

Aηbͻkͻ ka nəηk kpa Pa nesaη, ͻpo pənkəs ηa ka aηbɛη tak loma kͻ. Kɛrɛ kabath kəgbͻngbli kəsolaɛ ηa.

Kəpo pənɛ kəpa kəpɛl kyi ropil ka kəbath, Pa nesaη kͻ kͻsap kakəpɛl kͻ ͻrəfthanɛ ͻləs ͻləs. Wuni kin ͻbɛnηɛ tak mar kͻ.