Niwaawete Albiidi Xa'mo
1. Egentinoonni gaxigali su'ma kulle"e
2. Godo'litinanni godo'le wodho egentinoonni?
3. Sumuu yee godo'la mayi horo afidhino?
4. Gibbo maricho abbitanno?

Qamalchu, doobbiichu, qaccinenna gaarre mitteenni mittu qarqarira loosi're galanno.

Qamalchu gummansa intanni haqqe otila, godhanna korqiichu gedee akaakilte loosi'ranno.

Doobbiichu kayinni geedimo xawu meichonna bullichi gedeere maalu saada ceino.

Qaccine, waaccote gedeere seeddaanna haqqe kaasidhe itanno.

Gaarre mittore loossukkinni qooxeessisera noo hayisso ittanni heedhanno. Duubbanno woyite aanahono gadhanno.

Moyichu kuni ku'u ku'unni danna saikkinni mimmito ayirrise hee'rara sumuu yee qooxo qooxonsa huxxi'riro.

Boode yanna gedensaanni gaarre umise qooxeessira noo hayisso gooffeenna ittannore hooggu.

Mitto barra hude amadde addankonni jawaatteennase qamalchu huxxa hiigqqite e'e akaakiltesei giddo halja yitino hayisso ittanna qamalchu dayi.

Daanni hee're, "Maaho gaarre? Baalunku dannanke sa'neemmokki gede sumuu diyinummo? Mayira huxxa'ya hiiqqite eitta?" yiise.

"Hudi'roomma daafira iteemma hayisso hoogeetina ballo sao assoommana maarie," yitusi.

Gaarreno qolte,"Ati hee'rattohu haqqichote aanaati. Itattohu haqqete gumaati. Marichi ikkona yeeti kalaqamu hayissora fajjo xa'mireemmahehu," yitusi.

Qamalchuno, "Dhuku dinosi, assannoeri dino, yiteeti qoosso'ya seyaatoottaehu? Kuloommohe, layinkita hoowe'ya giddora e'ooti," yiise.

Gaarreno lowonta giirante, "Tini qonqa'nicho maricho assitannoero afeemmana," yite layinki soodo marte e'u.

Qamalchu hashsha bale ume iimaanni daro gane gashshinota affukkinni gaarre rossino doogo amadde e'ara marte lukki yitanno wote balete giddo ubbeenna hallu hiiqqamise.

Qamalchuno gaarre farri yitinota laiti: "Wolootu gede wolqa heedheennae waajja hoogummorono, atera ikkitanno hayyo dihoogeemmo," yiise yinanni.