Bul obedo thum maber swa i piny mawan wok con. Wa maro bunde!

Wa kuro bunde ma kite ma opokere opokere: madongo, m'oripripo gi ma'dundo.

Wa goyo bunde gi ludhe kosa gi lweti wan.

Wa goyo bunde ndir je ri atoŋa ma opokere opokere, paka wer, miel, kalima kosa teko.

Bunde loko wer maloŋo, ico ji miel aka kelo siem i kalima.

Wagoyo bunde i kalima ma opokere opokere paka cwoko nyingi nyithindho, nywomirok, camo misiya, kosa yawo rut.

Wa goyo bunde ma tito rem kodi lwoŋo ji ka liel opodho ri wan.

Wa goyo bunde ma lwoŋo ji yiko waŋ pi, doyo royo, kosa gero ot ri ŋat ma oti aka odamba.

Ka okwal dhok i piny mawan, i goyo bunde ma lwoŋo ji.

Ka romo le bedo i tindi pa rwoth bunde kworo ywak ma choko ji.

Bunde lwoŋo ji kidho i odi Were i hola je ma lamo paka ma Sabiti gi ndelo ma lamo man je.

Odoko wa goyo bunde ka wa wero i ka lamo Were aka wer bedo maloŋo.

Bul madwoŋ wero ni, "An a bul mba, an a bul mba, an a bul mba-mba-mba-mba bul."

To nyithindhi bunde liro dwondi jo ma thindho ni, "Tindiri, tindiri tindiri ti."

Aka jo kworo kany'acel ni, "Tindiri mba, tindiri mba, tindiri mba-mba-mba-mba, tindiri ti."