Niwaawete Albiidi xa'mo
• Ooso maricho halchitinanni?
• Mixonke jeefo iillishate maricho assa hasiissannonke?
• Loosonke hexxonke garinni massagate
dandiineemmo?

Faasile Kimote yinannie. umi kifile rosaanchooti. Diri'ya Lamalaho. Danchanna worba rosaancho ikkammara hasi'reemma.

Soodo goxoommawiinni kaummaro shumate mine ha'reemma.

Hakkiinni hige anga'yanna alba'ya ha'yishshi'reemma. Afoo'ya seekke lulluqateemma.

Shooma shoo'me kaummaro daftarra'yanna maxaaffa'ya adhe rosu minira ha'reemma.

Doogote aana digodo'leemma. Kaameelu doogo tayiseemma wote qorophe saeemma.

Rosu minira yannatenni iilleemma.

Baandeeru faarsora dirammanni wote dirameemma.

Kifile eummahu gedensaanni suma'ya woshshinanni wote uurre "yee" yeemma.

Rosiisaancho'ya xawissanno yannara seekke macciishsheemma. Leeltinoekkita xa'meema.

Rosiisaancho'ya kolishshu saleedi aana borreessitinoha daftari'yara galchi'reemma.

Jaalla'ya ledo gaamotenni xiinxaambeemmo.

Kifilennihanna mini looso'ya balaxe shuqunsiisi'reemma/filsiisi'r eemma.

Fooliishshote yannaranna sagalete saatera jaalla'ya ledo godoleemma.

Jaalla'ya ledo horontanni digiwameemma. Hunummaro nafa maaro xa'mireemma.

Ane haja aana rosiisaancho'yanna annaamu'ya /wolaajooche/ gamba yee hasaawanno.

Anino baalunku seejjo ayirrise adheemma.

Rosu gedensaanni shiima geeshsha godo'le xiinxaaweemma. Mini looso'yano looseemma.

Anga'ya hayishshi're hurbaate'ya ite kaummaro afoo'ya lulluqate goxeemma.

Niwaawete Gedensiidi xa'mo
• Hexxo maati? Faasile halchonna hasatto maa maati?
• Bayiraaddu seejjo adha mayira kaalitanno?
• Hashsha yannantenni goxa mariachi horo uyitanno?
• Kaameelu doogo aana godo'la mayii gawajjo abbitanno?
• Kaameelu doogo tayinseemmo wote gura qiniite