Cango, cango, Ceŋ kodi Pi oyido jo mere. Oyido j'aryo je jo bedo i Piny ka kanyacel.

Ceŋ oyido maro lyewo Pi radhik, to oyido Pi ki lyewi Ceŋ.

Rumacen Ceŋ openjo Pi gi ma miyo go ki lyewi ye jo.

Pi odwoko ni ot pa Ceŋ gin thin swa aka ka go obin gi wade pere nyalo ryemo woko Ceŋ.

To go waco ni, "Ka i yenyo ni alyewin, i ripo gero dye dipo ma lac. Ji paran dit swa, aka jo tero ka bedo ma mathoth."

Ceŋ ociko ni le geto dye dipo ma lac swa.

Odok peco both dhako pere ma i lwoŋo ni Dwe. Dwe ojolo go gi bwonjo m'oasere. Ceŋ owaco ri Dwe gi ma go ociko Pi.

Yawere mere ocako gero dye dipo ma lac swa ma le kuro iye mere pere.

Munyo orumo, okwayo Pi bino lyewo jo yawere mere.

Munyo Pi otundo, openjo Ceŋ ka inen ongoye gi ma cero go donjo.

Ceŋ odwoko ni, "Ongoye! donji mere paran."

To Pi cako mol donjo i ot gi jo kwaŋ pere: ngona, rec, ogwale, thwondhe, othyololo, kacwe, ofuk, kanyacel gi ogwange je ma Pi.

Pi opoŋ otundo i congi jo. Openjo Ceŋ ka ineni fodi jo nyalo medere donjo to Ceŋ odoko yeyo.

Ri ameno Pi omedere donjo.

Pi otundo mwonyo wic dhano. To go penjo ceŋ ni, "Fodi imito ji paran man jo wo donji?" Ceŋ gi Dwe je to jo yeyo.

Ameno Pi omol amola tundo kuma Ceŋ gi Dwe jo ayi to jothundhere malo wi kisul.

Ji pa Pi jo mula mula i ot. Ma Piyo Piyo Pi otundo i kisul ot.

Ceŋ gi Dwe to jo idhere to jo kadho de i polo kama jo doŋ iye wok ndir no.