Kgale kgale kua motseng wa Mphahlele gobe go nale lesogana le le bego le dula le batswadi ba lona.

E be e le lesogana la go hlompha le go theeletša batswadi ba lona, le motho o mongwe le yo mongwe. Leina la lesogana leo ke Thabo Maloba.

Ka letšatši la Mošupologo mang le mang o e kemešetsa go ya sekolong.

Thabo o rile a le tseleng ya go ya sekolong a hlakana le lesogana leo le tsebegago ka leina la Sparks. Sparks o ile a gwerana le Thabo ba tsea magang go fihlela ba tsena sekolong.

Lesogana le Sparks o be a le rantwa dumela ebile e le seganka sa go tšhaba sekolo mehla le mehla. O be a rata go betha ditaese le dikarata a rata magotla a ba ba phelang ka go nwa bjala.

Gomme gwa fihla lebaka leo Sparks a hlohleletšago Thabo go dira tšeo a bego a di dira gomme Thabo le yena ka go tšhaba go bitšwa setlaela a napa a ba le kgahlego go dilo tše mpe tše Sparks a phelago ka tšona.

A fela Thabo le yena a fetoga seganka, a thoma go se tsebe phapano magareng ga batswadi le bagwera. O ile a rata madila kudu mo ele gore o ile a hloka le go rata mmele wa gagwe ka baka la madila.

Thabo o ile a kopana le makgarabe a mmalwa ntle le tšhireletšo, gomme a tsenwa ke malwetse a thobalano. O ile a fela kudu a šala a rile sehle gomme Sparks a mo hlanogela ka baka la bolwetši bja gagwe. Ebile o be a mokwera gore o sehlefetse bjalo “ka dihlare marega”.

Batswadi ba Thabo ba ile ba mo hlohleletša gore a etele lefapha la maphelo go gwetša kalafi. Thabo ile a ba kaone.

O rile ge a dutše fase a bona gore mogwera wa gagwe ke mmolai wa gagwe. O ile a fetoga, a thoma go tsena sekolo le go hlompha batswadi le barutiši a re, “go kwa ga se go kwelelana.”

Sparks o ile a swaba go bona Thabo a fetogile e le motho wa go ba le maikarabelo ebile a hlompha. Le yena Sparks o ile a fetogela go motho wa maikarabelo le go e hlompha.