

Kolong ang'orot abolosi etom ka ekipe kotere amenen sek kechi.
Abala ekipe ng'esi noi agogong akidwang etom, nabo anupit etom atamar ng'esi ayakar ng'ikiling'a akidwang ekipe.
Apotu kechi topupokinos atamar eriamaros ebong nang'olol atobolokinos.
Ani na anang'ia ebong, abu akiru naapolon lokojokon taram. Kipiiyaun akatorot nakalilimon lokojokon.
Apotu kesi kiningos, tamarae etom, "Kasio chan kikilak!" Toruk etom tama, "Auuu Rrrrruuuuu!"
Tama ekipe kililing tene.
Kikilak ekipe lokojokon, tamaranik etom kirakar dio toremok ng'ikel lochoto.
Abu ekipe tolimok etom tama, "Eroko tokona iyong kimenit ayong a?"
Dio etom tatachak eemit tama, "Emam nyakameni ayong iyong nabo!"
Tama etom, "Abala kolong nit areit ibore daang kane alokwap, kori areuni tani akuj!"
Anyoun akwaar ng'ina, toker etom ekipe jik.
Tani tokona na eramia akiru elomanari etom lokitoe nyiing'olikinia ekipe ng'esi.

