Go ne go le mosadimogolo mongwe a dula a e esi mo lebotlong mme a rata go ngongorega.

Ka letsatsi lengwe moengele o ne a feta gaufi le ena mme a mmona a tlhoname mo gare ga lebotlolo.

Moengele o ne a ema mme a botsa mosadimogolo a re, "Molato ke eng mosadimogolo?"

Mosadimogolo a fetola a re, "Ke lapisitswe ke go nna mo lebotlolong."

Moengele a mo raya a re, "Ema, opa diatla gabedi, dikologa gararo."

Erile Mmosadimogolo a fetsa go dira se se laetsweng, a iphitlhela a nna mo ntlong e nnye.

Morago ga malatsi moengele a boa mme a fitlhela mosadimogolo a sa itumela.

A mmotsa a re, "Molato ke eng mosadimogolo? Goreng o sa itumela?"

Mosadimogolo a araba a re, "Ntlo e e nnye, ga ke e rate."

Moengele a mo raya a re, "Ema, opa diatla gabedi, dikologa gararo."

Fa a fetsa go dira se a se laetsweng mosadimogolo a iphitlhela a dula mo ntlong e kgolo.

La bofelo erile moengele a tla go bona mosadimogolo gape a mo fitlhela a ntse a sa itumela.

A mmotsa a re, "Molato ke eng mosadimogolo?" Mosadimogolo a araba a re, "Ntlo e e lefifi ebile e leswe."

Moengele a mo raya a re, "Ema, opa diatla gabedi, dikologa gararo."

Erile mosadimogolo a fetsa go dira se a se laetsweng a iphitlhela a boetse mo lebotlong la gagwe.

Megabaru ya mosadimogolo e ile ya dira gore a se bone dimpholo tse a di abelwang. O ile a nna a ele esi mo lebotlong botshelo jwa gagwe botlhe.