Akwaar apei tolaran itaak ebu along'or.

Kira esikiria ekoi. Kipung'a esikiria nia ng'iyenet keng tama, "Itaak ebu along'or atona."
Tamasi ng'isikiria luce daang, "Itaak ebu along'or? Arai ng'una ekoi lokitetet. Arai ng'ibuin luong'ora daang ngimoe yok."

Tolim esikiria lomojong tama, "Ng'ikaitotoi, ilemokino kitosi nakiut ebu along'or etodiutu arimatoe."
"Nyo? Atoloto na kiut ebu along'oria?" Tamasi ng'isikiria luce.
"Nyikilosi sua kainyo kiemit sua. Kiuyemete sua ng'ibuin luong’ora ng'ulu."

"Topupok," lolim esikiria lomojong. "Anipekilot ng'oni, king'oikinete ng'uni ng'ibuin luong'ora. Epenat atamet na kimyareta ng'oni aria ateni, tolimut ng'iskiria luce daang."
"Itemokino kilosi nakiut ebu along'or. Anikilot elakarosi ng'ibuin luong'ara kotere ng'oni achepala epedorete taraut ng'ipaloon yok."

Kong'olikis ng'ibuin luong'ora ng'iskiria aloking'a awi. "Nyo eyakatar ng'isikiria ne? Eponito kianar ng'onia?" Kuuomokis ng'ibuin luang'ora.
Kirasi ng'isikiria ng'ibuin luong'ora aniaumor min ebuloi losikiria kisiakis ayeeore:

Ng'ibuin luong'a luapolot irikaate esi akwaar kiya kwala. Irasi sua esi iyeosi akwaar kiya. Ng'ikel kus ewoyaka ka ng'akonyen kus nakacak kanenidae.

Akimuj kus iriono cue abe ekwaang bo ng'aein kus. Kaa, anitokona boca. Itaak kon eperi alojom, keng. Nabo etoanit! Akuj yok etoanit!

Amakeng ebu along'or alokatoan tataeak kec tama:
"Eite kus ejok. Nabo ng'akiro kus ebobok. Kipeyounitoe tama ng'ikaitotoi kang ng'isikiria. Taanyt ni iboikinosi!"

"Kipeyounitoe nyo kinunito esi sua atanyama? Ng'ibuini luong'ora enyamit akoro. Esakete airing!"

Abu ebuloi min losikiria. Tama epei kec potu epung'aras.
Tamasi luce nyepedor kiritarete ng'oni ng'ibuin luong'ora.

Tama esikiria lomojong, "Akuj kosi, kiponit akitodiun arimatoi nikus. Kiriang'akina kotere akitu alokokus. Kilipit Akuj kisililing esi. Tokona boca kibong'I lore kosi."

Kisiakis ng'isikiria akibong.
"Kidaroutu!" Tolimutu ng'ibuin. "Luong'ora nyibong'ete esi. Itemokino ilemunete ibore ninyamata kosi. Totubutu ng'ipon kus kinakis sua."

Tokenyana kin ng'iskiria.
"Anikinak ng'oni keci ng'ipon yok aeepat epedorete akimekin ng'oni atoloto," kitamakis.

Totubut ng'ibuin luong'ora ng'ipon ang'isikiria tanyama.

Kong'ina apotu ng'isikiria tasaka arotokin.

"Towo!" Kikalou ameakeng ebu along'or alokatwan.
"Ng'ikaitotoi kang, imekinete esi ng'isikiria lu elosea? King'olikisi keci ng'ikel! Kec kikianatar ng'oni."
"Ekianasi, kikianatar ng'oni! Ekianasia!"

Toporokinos ng'ibuin luong'ora losikiria.
Taara anierumor kisiakis akinyam kec.

Eroko esikiria lomojong nyetona, to kenyik ng'ibuin luong'ora tama, "Ng'ibuin luong'ora luaronok lukamaitanak kiponit sua kang'isien kosi akisililing esi kwa kiroko sua! Acekwaar na kinyemia esi akoro, nyikisisakis sua ekor kus loaliko lonyamet ng'ipalon kus!"