Lihhashi nembongolo bekubangani labakhulu. Njalo letilwane betihlangana ticoce ngemvelo kanye netitfo letentekako. Phela betatiwa njengetilwane legutigitjelwa. Bantfu bebasebentisa tona uma bafuna kuya etindzaweni tabo.

Phela nato bese tingasajabuli, ngakho ke tacamba licebo lekufuna kubaleka baye kulenye indzawo lapho tingeke tihlushwe batfu khona letilwane. Imbongolo ayitange ilijabulele lelicebo ngobe phela kwakulicebo lehhashi. Yona yathi "Mine ngiyesaba, lokunye futsi kutsi sengijwayele kusebenta njengesigitjelwa."

Lihhashi laphatseka kabi kakhulu kuva loku lokuphuma emlonyeni wembongolo kangangekuba lacwayisa netinye timbongolo ngalendzaba yekubaleka. Tonke timbongolo atizange tiwujabulele lombono, betisho nekutsi tona tiyijwayele lenzawo.

Lihhashi lachubeka ngekuchazela imbongolo imbangela yekutsi babaleke. Lasho ngelivi lekuhawula kutsi " buka nje mngani, sitfwala bantfu labanetinyawo tabo." Nkulunkulu wasinika sonke tinyawo tekutsi sitihambele, vula emehlo mngani.

Kepha imbongolo ayizange ibone inkinga kuloku bekukhulunywa ngumngani wayo. Laphindza lihhashi lachaza latsi " asubuke nje, sikhungwa tintsamo siphindze siphiwe nekudla lokuncane, empeleni asinaso sikhatsi setfu sekutidlalela njengebangani."

Imbongolo yatsi " ngiyakuva mngani, nami ngidzabuka kakhulu uma ngingasitfoli sikhatsi sekudlala nawe kodwa kumele ukhumbule kutsi tsine sinenhlanhla. Labanftu lesibatfwalako abasibulali, abasidli kwatise phela kutsi asifani netinkukhu kanye netinkhomo."

Lihhashi ladvumala kakhulu kuva loku kuphuma emlonyeni wemngani walo kangangekuba lavele ladvuba lasho nekutsi lona litihambela lodvwane.

Imbongolo yamementa yatsi, "Uligwala hhashi ndzini, mine angisuye umngani wemagwala, ngenteka lapho uya khona kutoba matima kwengca ngapha. Hamaba juba bayohlutsa embili."

Latfukutsela kakhulu lihhashi uma liva emavi lafana nalawa aphuma emlonyeni wemngani walo. Lavela lajika ngesikhulu sivinini, lakhahlela imbongolo entsanyeni.

Yakhala kabuhlungu imbongolo yasho nekusho kutsi yona beyimane itidlalela nje.

Lamanye emahhashi bewakhona ayidzabukela imbongolo, asho nekusho kutsi sibe sibi kakhulu sento semnakabo, lihhashi phela.

Imbongolo yavela yawa, yase ihlala phasi ngekuva buhlulu lobuse ntsanyeni yayo. Nayo yatibonela phela kutsi ayinabo banakabo, ngobe kute silwane lesalinga kuyilamulela kulempi yalo nelihhashi. Loko bekwentiwa kutsi emahhashi abehlonishwa kulendzawo, bewatsatfwa njenge nkhosi yetilwane tekugitjelwa.

Lihhashi latisola kakhulu. Lasuka laya kulembongolo liyolinga kucolisa, kepha imbongolo yayikwatile yavele yatichubekela ngendlela yayo.

Yaphindze yabuya imbongolo yatokwamukela lucolo lwehhashi, ngobe yakhumbula kutsi kubalulekile kucolisana ikakhulukati kumngani wakho. Kusukela lapho imbongolo nehhashi kwabuyelana kwaba tilwane letingebangani, taphindze tacala phasi takutfokotela kuba tisebenti tekuftutsa bantfu (tigitjelwa).