Kwasukasukela. Kudzala emandvulo kwakuneNkhosi. LeNkhosi beyinemtfwana wemfana ''Inkosana'', lenkosana beyinetindlebe tenkhomo.

Inkhosi beyinemahloni ngaye, wabona kutsi amvalele kulinye lemakamelo lapha endlini yakhe.

Kwafika skhatsi sekutsi lenkosana ihhule tinwele tayo. INkhosi yabita indvodza lehhula bantfu tinwele kutsi itohhula lenkosana, lomcimbi wekuhhula lenkosana wabandvwa ekhwace, ekudzeni nemehlo elinyenti lebantfu.

Kwatsi sekucedziwe, inkhosi yabita lendvodza beyihhula lenkhosana. Yamtjela kutsi angacali atjele muntfu ngaletindlebe tenkhosana. Kungavakala kutsi utjele umuntfu, utamfaka bozankosi.

Lomhhuli wayengakhoni kuhlala nemfihlo, bekutsi uma anemfihlo akhukhumuke sisu. Kwandlula emalanga sacala sisu salomgundi sakhukhumuka, angati kutsi kufuneka atjele bani.

Wafika nelicebo lekutsi kuncono atjele lesinye sihlala lesidzala esigangeni. Wafike wasitjela, sisu sakhe sabuyela esimeni saso. Wajabula kakhulu ngoba lesihlahla sitogcina lemfihlo yeNkhosi.

Ngekuhamba kwemalanga lambalwa, kwachamuka umbati afuna sihlahla lesihle lesitamniketa sigodvo lesinhle langabata ngaso sigubhu semculo. Wahlangana nesihlala lesidzala lesinhle, angati kutsi lesihlahla siphetse imfihlo yeNkhosi.

Wavele wajuba lesihlahla watentela sigubhu sakhe semculo lesihle.

Watsi sekasendleleni abuyela emuva ekhaya lakhe wandlula ngalapho kuhlala khona iNkosi. Nogada weNkosi wambita kutsi atoshayela inkhosi sigubhu ngoba lelo-langa beyingakajabuli nakancane.

Kwatsi asacala kushaya lesigubhu sakhe, savele saphuma endleleni satishaya sona saphindze sacula ingoma. ''Nginemfihlo, imfihlo yenkhosi umntfwanenkhosi unetindlebe tenkomo''. Bonogada benkhosi basheshe batsatsa lesigubhu.

INkhosi atfukutsela kakhulu yatsi '' Akaboshwe Kanye nesigubhu sakhe, Kanye nabo bonkhe labeve lemfihlo bajeziswe''.

Lomunye wabologadza waphumela ebandla watsi kulenkhosi "Nangabe kunjalo kusho kutsi sonkhe lesikulendlu sitawujeziswa" Loko kwayivisa buhlungu inkhosi. Yabuye yatinika sikhatsi sekucabanga kabusha.

Inkhosi yatisola kakhulu ngekuvalela umnftwanakhe ekamelweni iminyaka lengaka ngenca yekutsi unetindlebe lenkhomo. Enter text hereNgelilanga lelilandzelako inkhosi yabita umcimbi wekutsi kuvulelwe iNkosana, ikhishwe ngaphandle kutsi abonwe nguwo wonkhe umuntfu.

Enter text hereKwajatjulwa kakhulu ngalesikhhatsi inkhosana ikhishwa ngemahhashi ladvonsa tincola. Kwaba mnandzi kwaba njeya. COSI COSI IYAPHELA.