Lona ngumndeni wabaGcinile na Thabo. Bagcinile na Thabo bantfwana labahlonipha kakhulu, njalo ngemaholide akhisimusi lomndeni uvame kuphuma uyotijabulisa etindzaweni letehlukahlukene.
Lomndeni ugibele imoto, ulibangise esichiwini setilwane. Phela ngiyo indzawo yekucala labavakashela yona ngobe Bagcinile na Thabo bayatitsandza tilwane.
"Make! Uyayibona indlovu?"kusho baGcinile akhulumela etulu. "Ngiyayibona Gcinile wami" kuphendvula make waBagcinile. Lomndeni wabona tilwane letitinhlobonhlobo letinye tato ngunati timfene, tinyoka, tingwenya Kanye naletinye tilwane.
Lomndeni waphuma esichiwini setilwane wagibela imoto. Injabulo beyibhalwe ebusweni baBagcinile neba. Batali babo bebatfokotile nabo kuba nebantfwana labahle futsi labahloniphako.
"Babe ngicela ungitsengele lomdoli wengulube" kucela Bagcinile asho akhombisa uyise. Nangemphela babe wakhe washo akhokha imali atsengela indvodzakati yakhe umdoli wengulube. Thabo yena utitfokotisa nga-ayisikhilimu.
Bachubeka bahamba babona indzawo, injabulo beyibhalwe emehlweni kuBagcinile na Thabo. Bebafisa ngatsi kungahlala kumaholide akhisimusi kute batohlala baphuma nebatali babo.
Uma bafika ekhaya Bagcinile na Thabo kanye nemndeni wabo bahlala etafuleni badla. Bebajabule ngendlela lemangalisako, baloku bacoca ngeluhambo lwabo. Bagcinile na Thabo babonga kakhulu kubatali babo ngaloko lababentele kona.
Batibongela nekutsi kukhona batali labangacabangi kutsi bantfwana bayakudzinga kuvakashiswa ngemaholide akhisimusi.
Illustration - Catherine Groenewald, Silva Afonso, Melany Pietersen
Language - siSwati
Level - First paragraphs
Creative Commons: Attribution 4.0
Source www.africanstorybook.org
Original source
