Mudzemudze bekunguye indzodza lendze kakhulu emhlabeni wonkhe. Phela tinyawo talendvodza betitindze kakhulu tendlula ngisho nembhedze wayo.

Bekatsi nakavuka avele atsatse likhuba lakhe acondze emasimini. Nanobe likhuba lakhe belilincane kakhulu, Kodwa loko bekungamhluphi. Tandla takhe bekatilungiselela kutsi tilibambe kahle likhuba.

Bantfu bebatibonela simanga, bangatsembi kutsi kungaba nendvodza lendze ngalendlela emhlabeni. Bantfu bemmango baba nenhlanhla yekutibonela Mudzemudze ngalesikhatsi kubitwe umhlangano wemmango wendzawo.

Likhaya laMudzemudze belinesivalo lesincane kunemtiba wakhe. Beyihlupheka Lendvodza nakumele ingene emnyango wendlu yayo. Nayikhuluma nemtfwana bekumele itifinyente ikhokhobale kungatsi ngumkhulu losogugile.

Kwahamba emalanga waphumelela kulima libanga lelidze ngaphandle kwekuphumula. Loko kwamtfokotisa kakhulu Mudzemudze.

Ingcondvo yaMudzemudze bese Ikhaliphe kakhulu. Waba nelisu lelihle lekutitsengela umbhedze lomkhulu. Loko kwenta kutsi tinyawo takhe tingasaweleli phasi kepha tinele kahle embhedzeni wakhe lomusha.

Mudzemudze bekasebentisa libhayisikili nakaya emsebentini. Libhayisiskili lakhe nalo belilincane kakhulu. Bekangakwati kuhlaliseka kahle kulo. Bekutsi lolunye lunyawo lakhe liphumele ngaphandle. Loko bekungamphatsi kahle ngobe bekangawa nobe kunini. Futsi angaphindze alimale kabuhlungu.

Wachubeka nekusebenta kwate kwaphela inyanga yinye. Ngaleyo mali layihola Mudzemudze wakwati kutitsengela libhayisikili lelilungele umtimba wakhe. Phela kucala bekangakhoni ngisho nekugibelisa inkhukhu Kanye nemntfwana.

Imphilo yaMudzemudze yatfutfuka kakhulu ngesikhashana. Bekatsi nakadla avele asebentise situlo kanye nelitafula lakhe lelnele yena. Tonkhe letintfo betimhlupha bese tishabalele. Ngaleso sikhatsi, naye bese atiphilela imphilo njengabo bonkhe bantfu bemmango wakubo.