Ligama lami ngingu Mimi. Bekulusuku lokugcina namuhla esikolweni, sivalela emaholide akhisimusi.

Bonkhe bafundzi bajabulile, nakimi injabulo iyachichima.

Namuhla nguMgcibelo, lilanga lebengisolo ngililindze ngalabovu, lilanga lami lekuyovakasha kagogo eNhlangano.

Ngiyotsi ngifika angihlabele licudze lelelikhulu kunawo onkhe. Gogo wami uyasitsandza sinkhwa. Sitawuhamba namake sindlule ngasetitolo sitsenge sinkhwa.. Sesikhatsi sekuhamba. Make ungigcokise liloko lami lanokusho lelibovu. Ngiyalitsandza lirogo lami lelibovu.

Sitsite sisalindzile, chamu malume ngemotp yakhe leluhlata sasibhakabhaka. Phela malume bekangafuni sihambe ngematekisi. Usihambisa ngemoto yakhe.

Make nguye bekafaka tikhwama emotweni. Sitsite uma sicedza kugibela, make wavala tivalo temoto. Mine ngihleli esitulweni lesingemuva. Make wangikhumbuta ngekufasa libhande lekutiphephisa.

 Sitsite nasicedza kutilungiselela. Washo ayidvumisa imoto malume, nako sishosholota.

Yate yaba yiindze lendlela. Angisatikhanuki ngekuhlala. "Sitawufika nini yemake?" Sekubuta mine Ngenca yekudzinwa yindlela. Phela nendlala ngiyo bese ingenta ngitamule ngingacedzi. Ubokhumbula kutsi kagogo wakho kusemakhaya. Kunanatela make.

Yate yaba yiindze lendlela. Angisatikhanuki ngekuhlala. "Sitawufika nini yemake?" Sekubuta mine Ngenca yekudzinwa yindlela. Phela nendlala ngiyo bese ingenta ngitamule ngingacedzi.

"Sesifikile eNhlangano"kusho make. Nembala nangu gogo atovula ligede. Ngitsite nangehla ngasho ngicondza kugogo. Pho ke ngamgcina nini gogo wami. Gogo wangigona gogo, watsi kuni wagcina kutongibona. Ngijabulile kufika kagogo eNhlangano.