Thabo Nengadze Yakhe
Nomsa Makhosazana
Jonathan Field
siSwati

Libito lami nginguThabo ngivame kucitsa sikhatsi sami lesinyenti engadzeni yami.

1

Thabo ucele batali bakhe kutsi bamutsengele emathulusi ekusebenta engadzeni. Thabo uyatitsandza timbali, tihlahla Kanye netjani lobujutjwe kahle.

2

Thabo uye avuke ekuseni ageze buso Kanye nematinyo, ngembi kwekutsi ayonisela engadzeni.

3

Ngalesinye sikhatsi uye acele dzadze wabo lomncane Busi kutsi amsite. Busi uyakutsandza kunisela titjalo Kanye nenja yakhe lengu Bhobi.

4

Thabo ute nebangani bakhe boNomsa naDora engadzeni. Phela bekafuna kuhlola kutsi setiyamila yini letitjalo tenhlanyelo lekayitsengelwe batali bakhe. BoNomsa naDora bona bajabulela kudlala ngetimbali.

5

Thabo ujabule kakhulu ngoba titjalo takhe setikhulile katsi netimbali setigcamile ngemibalabala, leyehlukene.

6

BoThabo nebangani bakhe bagijimela engadzeni ngalesikhatsi babona umushi wenkhosatane, phela umushi wenkhosatane uye uvele nangabe imvula beyina.  Bonkhe bantfwana bajabulile ngebuhle bengadze yaThabo nekubona umushi wenkhosatane.

7
You are free to download, copy, translate or adapt this story and use the illustrations as long as you attribute in the following way:
Thabo Nengadze Yakhe
Author - Nomsa Makhosazana
Illustration - Jonathan Field, Wiehan de Jager, Silva Afonso, Children of Paleng, Brian Wambi
Language - siSwati
Level - First paragraphs
© Nomsa Makhosazana 2016
Creative Commons: Attribution 4.0
Source www.africanstorybook.org
Original source