Mkhulu Shongwwe bekahlala nebatukulu bakhe labatsatfu. Babili babo bebaneminyaka leyimfica yebudzala amunye. Kutsi lona lomncane abe neminyaka lesitfupha. Emabito alabatukulu bamkhulu Shongwe bekungu Zanele, Siphosetfu Kanye na Lindelwa.

Mkhulu Shongwe bekangumlimi lowatiwako kulendzawo yaseSchulzendal. Mkhulu bekavamisile kutfuma Zanele naSiphosetfu kanye naLindelwa kuyotsengisa tibhidvo.

Njengenjwayelo, ngalelinye lilanga Mkhulu Shongwe watfuma batukulu bakhe kutsi bayotsengisa tibhidvo, sipinishi phela. Wabayala kutsi inkhatsa ngayinye bayitsengise ngema R5. Nangempela bantfwana baphuma njengobe abayalile mkhulu, bahamba batsengisa.

Batsite basachubeka nekutsengisa, yacala kubabhokela indlala. Naku netisu tabo seticala kukhala emanyokane lakhala angasabindzi. Wehluleka kubeketela Zanele, wase uta nelisu. "Mine ngibona kuncono sibite inkhatsa yinye yesipinishi nga R6.00 ngobe angeke sikwati kuya ekhaya singakacedzi kkutsengisa> Mkhulu angeke akuvume loko." Nangempela bavumelana bantfwana.R6. Kutsite lapho sebatsengisile base batsatsa labo R1 labatingetele bona. Baphumelela kutsenga kudla kwabo bacosha indlala. Bavumelana kwekutsi loku labakwentile kube yimfihlo yabo bobatsatfu, bangayitsi vu kulomunye umuntfu.

Kwatsi lapho sebacedzile kutsengisa babuyela ekhaya bafike banika mkhulu imali yakhe. Kutsite ngalelinye lilanga, kwafika lomunye make atotsenga ematamatisi kanye nesipinishi. Lomake wavele wacondza kumkhulu aphetse R6. Betfuka kungatsi lomake utavele atsi, 'Ngive ngalabantfwana kutsi wena lapha kakho sewusikhuphulile sipnishi" Kantsi cha batfukela mahhala. Phela emanga awamange akuletsa kuthula kunembeza wemuntfu."