John ugubha lusuku lwakhe lwekutalwa.
Batali bakhe lababuya eJozi bamtsengele libhayisikili lakanokusho njenge sipho selusuku lwakhe lokutalwa.
John walitfokotela kakhulu lelibhayisikili lakhe.
Batali bakhe bamdvonsa ngendlebe bamcela kutsi angalingi ayodlalela emgacweni ngobe timoto titamshayisa.
John akazange akutfokotele kudlala ekhaya kuphela angayi emgacweni.
Kutsite ngalelinye linganga Batali ba john bangekho John wahamba nelibhayisikili lakhe wayodlala nebangani bakhe labakhulu kunaye.
Kutsite kusemnandzi kunjalo, kwachamuka I moto lebeyihamba ngesivinini lesikhulu ngenhlanhla lembi libhayisikili la John kwaba ngilo lelishayisekako. John wawela le khashane kwemgcwaco. Lokuhle nje kutsi umshayeli wemoto washayela betemphilo. Bamtfwala ngekushesha kute bahlenge imphilo yakhe.
Kwababuhlungu kubatali bakhe. Kepha abazange batibeke licala ngobe John watenta lihlonga ndlebe.
Kusukela ngalelolanga John wabatsembisa batali bakhe kutsi angeke ayodlala emgacweni, kepha uyohlala atidlalela ngelibhayisikili lakhe khona lapha emabaleni ekhaya kubo.
Illustration - Jiggs Snaddon-Wood, batali ba John, angel, ngelly, mpe, lolo, dudu, anah, bobo, nelly
Language - siSwati
Level - First paragraphs
Creative Commons: Attribution 4.0
Source www.africanstorybook.org
Original source
