Kade khulu ephasini, Kwakuhlala iinlwane kanye neentjalo nelanga nenyezi kwaphela. Ubusuku nemini khabe kungekho, ngombana ilanga nenyezi bezihlala zombili kamnandi kuyindoda nomkayo.

Ilanga belithanda ukuzikhambela, libukele iinlwane zigijima kanye neetjalo. Ligijime liyokuqoqa neentabaneentaba. Iintaba zitjele ilanga iindatjana ezimnandi.

Inyezi yona beyizithandela ubuthongo. Beyivuka lokha iinlwane neentjalo zidiniwe zisaphumulile kuthe duu. Yajabula khulu ngombana izithandela indawo ethulileko nengarasiko.

Langelinye, ilanga lathi Lona lifuna ukukhamba ibanga elide libone umhlaba woke. Inyezi yathi awa khamba kodwana ungalahleki ubuye nasele ngivukile. Ilanga lajabula belathokoza, nantiya likhamba.

Ilanga lakhamba iindawo neendowo, libona iinlwane neentjalo angazazi. Ilanga lalibala bona kufanele libuyele emva ngendlela abelizwa umnandi ngakhona.

Inyezi yathi nayivukako yathola ilanga lingakabuyi. Wuuu mayee Mina kazi umkami uyephi kulila inyezi. Awa angikhambe ngiyomzuma. Kusukela lapho kwajika kwabamnyama lapha kunenyezi khona, ngombanyana ingafuni ukubonakala bona izumana nomkayo begodu iyalila.

Kandike lapha kunelanga khona, kuyakhanya ngombana ilanga lijabulile begodu lifuna ukubona kuhle iphasi. Lisalibele bona lithembise inyezi bona lizakubuya.

Kungakho namhlanje kunobusuku nemini. Ebusuku kuba nenyezi kwaphela. Emini kuba nelanga.