Qobe malanga ngikhwela ibhesi nangiya esikolweni nalokha nangibuyela ekhaya.

Ibhesi sithuthi esithutha abantu abanengi ngesikhathi sinye.

Abanye bayathengisa, abanye babuya emisebenzini. Woke umuntu uthabele ukukhwela ibhesi.

Woke umuntu uthenga okudliwako nokuselwako. "Ngibawa amaswidi," kutjho umma ombethe irogo elisarilana.

UJama yena uzithandela ukuvuma ngebhesini. Umnandi kwamambala umvumakhe.

Ngithanda ukuhlola ngefesidiri ngibone iindawo ezahlukahlukeneko lokha ibhesi nayikhambako.

Ngizizwa ngidiniwe, bekwehla ubuthongo obumnandi. Ibhesi isatjhitjhinga iyaphambili yona.

Abantu boke badiniwe njengombana ilanga litjhinga nje.

"Ukhambe kuhle Siya uzitjheje angitjho!" kurhuwelela umma emabhudangweni kaSiya.

"Siya vuka sikhathi sokwehlika." Tjhe! Bengibhudanga, kusele kancani bona ibhesi idlule nami. Ngiyathokoza malume uMatjhila.

Kumnandi kwamambala ukukhamba ngebhesi, kodwana sikhathi sokuya ekhaya kwanjesi.