Phela umfula ubaluleke kakhulu etimphilweni tetfu ngoba usisita ngekusipha emanti kute sihlale sinemandla. Umfula wona utfolakala ugcwele ngoba kusuke kuna imvula kungako kufuna sijabule uma kuna imvula.

Uma imvula ingani sitfola bumatima lobukhulu etimphilweni tetfu. Asikwati kutfola kudla kanye nemanti. Emandla etfu ayasiphelela sigcine silahlekelwe timphilo tetfu.

Asive kutsi tilwane uma ticedza letikwentako tentani ngemanti.

Mine ligama lami ngingu Ndlovu. Mine ngimkhulu kakhulu kunaletinye tilwane. Nginemboko lomudze futsi nginematinyo lamabili lamadze. Ngayatsandza kuya ngasemfuleni ngiyowunatsa emanti.

Tsine sitindlulamitsi sibadze kakhulu. Sinetintsamo letindze kakhulu. Sitsandza kudla emacembe laseticongweni tesihlahla. Njalo nasesomile siya kuyowunatsa emanti emfuleni.

Tsine emagama etfu sitinyatsi sinsundvu ngembala futsi sinetimpondvo letinkhulu. Sihlala sinebangani betfu bomtheshane lebasisita ngekusikhipha emakhatane. Njalo nasicedza kudla tjani siya emfuleni kuyowunatsa emanti.

Tsine singemadvube sinemigca lemnyama nalokumhlophe. Sitsi njalo nasicedza kudla siyowunatsa emanti emfuleni.

Tsine sitimpala laba lesihamba nabo tingulube tesigana natsi sinsundvu ngembala. Sitsandza kudla tjani nasicedza siya emfuleni kuyowunatsa emanti.

Tsine sitinhlanti sikhatsi setfu sonkhe sisicitsa emantini. Emantini sihlala nebangani betfu. Midlonja kanye naletinye tilwane tasemantini.

Tsine siyayihlonipha inkhosi yetfu libhubesi ngoba inelulaka lolukhulu. Litsi lingabhodla sivele sicele empunzini ngoba lingafuni sinatse emanti emfuleni. Siyalwesaba lulaka lwenkhosi yetfu tsine tilwane.

Inkhosi yetfu libhubesi nanome inelulaka lolukhulu iyayihlonipha kakhulu indlovu. Phela indlovu silwane lesikhulu kakhulu futsi sititfobile.

Tsine singatfola kudla nemanti sihlala njalo sijabulile futsi singulabaphilile.