Imphilo Yakulungile Lejabulisako.
Thembisile Nkosi
Melany Pietersen
siSwati

Libito lami nginguKulungile. Ngiyatsandza kujinkela.

1

Mine ngineligumbi lami lekulala lelihle. Thishela wami wangifundzisa kutsi ngilale ngalokwanele. Ngilala ema-awa lasiphohlongo.

2

Ngiyatsandza kugeza ematinyo ami. Ngitsandza kuwagcina ahlobile futsi atsandzeka. Phela mine ngiyatifela ngekuhleka, ngako ngenta siciniseko sekutsi ematinyo ami ahlala ahlobile.

3

Kubalulekile kwekutsi sihlale sihlantekile. Ngako-ke ngigeza katsatfu ngelusuku. Kute ngingatoba neliphunga lelibi.

4

Make wami uhlala angitjela kutsi sibaluleke kanganani sidlo sasekuseni. Ngaloko-ke angilenti liphutsa, ngenta siciniseko sekutsi angisengci sidlo sami sasekuseni.

5

Mine ngiyatitsandzela kudla. Make uhlala angitjela kwekutsi ngidle kute ngitokhula. Njalo ngenta siciniseko sekutsi ngihlala ngisutsi.

6

Phela kudla kusinika emandla. Mine nebangani bami siyakutsandza kudlala. Bangani, kudlala kucinisa imitimba yetfu. Njalo nasibuya esikolweni sidlala imidlalo leminyenti.

7

Phela ngalesikhatsi sidlala imitimba yetfu ikhipha emanti, lesitsi ngumjuluko. Kufanele kutsi sinatse tingilazi letisiphohlongo temanti ngelusuku. Emanti amnandzi futsi abalulekile.

8

Ngiyetsemba kwekutsi nani bangani timphilo tenu nitotigcina tijabulile futsi nihlale nijabulile njengami.

9
You are free to download, copy, translate or adapt this story and use the illustrations as long as you attribute in the following way:
Imphilo Yakulungile Lejabulisako.
Author - Thembisile Nkosi
Illustration - Melany Pietersen, Sarah Bouwer, Thembisile, Thembi
Language - siSwati
Level - First paragraphs
© Thembisile Nkosi 2016
Creative Commons: Attribution 4.0
Source www.africanstorybook.org
Original source