Sandile abenesifiso sekuba nelibhola. Ngalelinye lilanga abukela bafana badlala libhola wafikelwa ngumbono wekutsi kungaba njani ayewucela batali bakhe kutsi bamtsengele libhola.
Sandile wabona litfuba lekutsi acele make wakhe kucala, ngobe babe wakhe abengekho asemsebentini. Make waSandile njalo abebafundzela tindzaba nakushona lilanga.
Sandile wajabula kakhulu ngalesikhatsi make wakhe avumelana naye kutsi utamtsengela libhola nangabe atatiphatsakahle ente nemisebenti lanikwa yona ekhaya nasesikolweni.
Sandile watiphatsa kahle eskolweni, nasekhaya ngobe abelifuna lelibhola.
Ngalendlela abejabule ngakhona Sandile wavele wangasalindze wavele watekela umngani wakhe ngakutsi batomtsengela libhola. Bangani baSandile bajabula kahulu ngobe sebatodlala ngelibhola lelisha.
Sandile wajabula kakhulu nakufika babe wakhe ngoba bekati kutsi ngakusasa bahamba bonke baya edolobheni kuyewutsenga libhola lakhe lelilhle.
Sandile wavuka kucala ngelilanga lekuya edolobheni, nasebusuka akatange abutsi hlutfu butfongo nje intfo lebakacabanga ngayo bekunguleli bhola lakhe. Batali baSandile bahamba naye sandile kanye nadzadze wakhe bebakutsakasele lokuya edolobheni.
Bafika edolobheni nje bacodza ngco kuyotsenga lelibhola laSandile, ngobe phela bekasolo akhuluma ngalo indlela yonkhe nje kutsi nakafika nje ufuna libhola lakhe. Nemambala wajabula kutfola lelibhola lakhe abengasafuni nekudla ngobe abejabulele libhola lakhe.
Sandile abehla enyuka nelibhola lakhe endlini ngobe asabela kutsi litolahleka. Sandile abejabule kakhulu kutsi liphupho lakhe lekutsi abenelibhola lifezekile, futsi abetsakasele kutsi sekatodlala mnandzi nebangani bakhe.
Sandile wavuka lokwa ngevivi wacalata libhola lakhe afuna kwenta siciniseko sekutsi libhola lakhe lisekhona, phela bekafuna nje kutsi nakafika nalo esikolweni alikhombe bangani bakhe, watsi nje afika eskolweni wacodza ngco kubangani bakhe ayewubakhomba libhola lakhe labawudlala ngalo.
Kwatsi ngesikhatsi sekudla Sandile watsatsa bangani bakhe nalabanye bafundzi bayodlala libhola kwatise phela kadze vele anesifiso sekuba nelibhola, manje wabona kukuhle kutsi adlalise nalabanye bantfwana.
Sandile wajabula kakhulu ngobe watsi nobe asafika ekhaya wavele wacedza wonke umsebenti wakhe wasekhaya wabita bantwana bakibo bayewudlala naye libhola lakhe.
Illustration - Catherine Groenewald, Melany Pietersen, Silva Afonso, Silva Afonso and Vusumuzi Malindi, Audrey Anderson, Claire Ingram, Sarah Bouwer
Language - siSwati
Level - First sentences
Creative Commons: Attribution 4.0
Source www.africanstorybook.org
Original source
