Inkhosi Nendvodzana Yayo
Nkosinathi Gift Nkambule
Jacob Kono
Siswati

Kwasukasukela, bekukhona inkhosi leyayitsandza imali nengcebo kakhulu.

1

Lenkhosi yayihlala nemntfwala wayo wemfana. Libito lakhe kungu Mcebo ngoba amutsandza kakhulu kunako konkhe eveni.

2

Ngalelinye lilanga lenkhosi yavuka ekuseni kusemnyama. Yahamba ilibangisa kuNdvukebandla inyanga lenkhulu yendzawo. Phela kulenyanga beyi yocela umutsi wekutsi konkhe lokubanjwa yinkhosi kugucuke kube ligolide.

3

Nangempela inyanga lowo mutsi wenhlanhla. Inyanga yamyala yatsi, "kusukela kusasa loku, konkhe lotakubamba kutawugucuka kube ligolide." Inkhosi ayimange itibambe ngenjabulo. Yasho ibamba indlela ilibangisa ekhaya.

4

Lashona lilanga balala nendvodzana yakhe Mcebo, kwatsi ekuseni yavuka inkhosi yaya edladleni iyowentela Mcebo kudla kwasekuseni.

5

Itsite isangena nje inkhosi. Kwachamuka Mcebo indvodzana yayo. Mcebo naye bekajabulile kubona uyise. Wavele watiphosa kuyise, wambamba ngesandla. Ngaleso sikhatsi Mcebo wagucuka waba ligolide.

6

Yakhala kakhulu inkhosi, yabuyela emuva kuNdukebandla iyocela kutsi abuyisele indvodzana yakhe Mcebo ibe kahle. Inyanga yatsi kumele atsengise yonkhe igolide nabo bonkhe bucwebe lekanabo.

7

Yenta njalo inkhosi,  wagucuka Mcebo waba sesimeni sekuba ngumuntfu lokahle. Kusukela ngalelo langa, inkhosi ayizange iphindze itsandze ligolide kakhulu. Baphila imphilo lenhle nendvodzana yakhe.

8
You are free to download, copy, translate or adapt this story and use the illustrations as long as you attribute in the following way:
Inkhosi Nendvodzana Yayo
Author - Nkosinathi Gift Nkambule
Illustration - Jacob Kono, Natalie Propa
Language - Siswati
Level - First sentences
© Creative Commons 2016
Creative Commons: Attribution 4.0
Source www.africanstorybook.org
Original source