Ewu andra drio 'dasi Agupi azi alu ima Oku be vini anzi be ci. Anzi 'di ma andri ri nyaka a'di 'ba akua 'di pini o'du piri si. Ri di nyaka 'di eji eini woro nyaza ru mesa dria.

Eyi ma ati ni e'do za awaa anzi 'di'yi ni. Eri di o'yosi kini, "Mi dri 'di, ete ewu mini mbazo 'bori 'i, amba za ni." "Mi dri 'di, ete ewu veleri, amba za ni."

Eri vini 'yo mva azirini "Mi dri 'di, ete ewu mini mbazo 'bori 'i, amba za ni." 'Di mu 'dile anzi 'da'yini woro.

E'yi ma ati ri dere za ondi anzi 'di 'yini woro lo nyiri-nyria took. Ri di za ambu-ambu ri tambaa ini vini i ma oku be. Te anzi riki ovu ciri, lo enya nya 'i.

Anzi 'di kaki muu zoo 'bo vini e'yi ma tipika ecaki mbazaru vini okpokokoru. Anzi 'di e'dokidi nyaka a'di adasi e'yi ma andri pini atibe.

O'du alu e'yini nyaka nyaria, zamva okori awadi za ni. Zamva 'di fe di za werea ni 'ima ati dri vini werea ni 'ima andri dri.

Lodi 'ima tipika pini, "Inya andra emidri 'bo 'didi saa amadri." Kudi za ndeni 'ima adripika pini 'ima amvipika pibe.

Erima ati egaki di e'yo ndra 'ini 'yele drio dere anzi 'diki nga odea ruri. Andri pi ati be a'iki ra kini e'yo eyini 'yele 'da adrini andra mokeri 'iku. Aiki di truta 'daa coti-coti. Anzi 'da aiki ra kini eyi econi e'yo alu 'daleri 'yee eyima anzini ku.