Ndra drio enyati azini ma alea, ba iri diyi agi ni. Ba nde diyi Obawu pi Etoo be. Obawu ni ndra ba azi ngapi asi dria sin i. Obiti vusi eri enga drio muzu azi nga zu.

Te Etoo ni lokiri ru. Eri ii la vaa kpere etusi. Ka di efu bo, eri au odukosi, "hau", eri vini de ii ma rua ejusi indi. Eri di edo nyaka nda nyazaru jo ma alea si azi ni ero ii ma agiyi yi vile ri ma alea si indi.

Ka ori efi azini yi esu ii ma agiyi vile eroa bo, eri di aci edu ori nde diyi ozozu. Di ma vutia eri di mu ii vile amvua. Te ngani azi alenia aluni ku. Etoo nil u ri ori efi eri nit e ozole ri nya-I adule.

Sawa ori okuzu ri ka eca bo, Etoo ni mu ini be nyaka ima agiyi vile eroa diyi oguu amvua diyi be.

Kadinile Obawu edo di ota ii vile nyaka amvua diyi ma eseleni avilerisi. Etoo nga di yo kini di eco ovuu baa ma jo-ejele ru dio kini di eco ovuu baa ma jo-ejele ru diyi ra. Adisiku abiri de ndra eyi vu tu, eyi ni ovule ovuru ri si.

Obawu nga di 'eyo ega ali, egata azini ega di eri ma asia. Mu esekese tra pati rua si angiri bazu amvu ma kalatia si kuru oguwo di ri obazu.

Inisi Etoo ko dri muzu nyaka oguzu Obawu vile amvua. Kamu ca amvua dale bo, so pa kaala le ru, edo di angu ondree andra azini oru, dile azini dole.

Erini te yeria ali ria esekese bi eri kirikiri ci. Etoo edo di otre azini owu adi eco emu imaazako ni ya ri ma eyo si.

Obawu enzu mbele masete be dria lezu oguo gazu kayi, te eri mu Etoo ni ne esekese be rua bo, eri ma ava fu coti.

Agiyi eyi vile Etoo be ri de'i odu dasi kpere andru, Obawu mu di ii ma geri ko si Etoo mu vini 'i ma geri ko si.