Ramúramù jẹ́ ewúrẹ́ tí ó maá n kígbe gan an.
Yí ó máa pe 'mẹ̀ẹ́ẹ̀', tí àwọn ẹ̀gbẹ́ rẹ̀ bá n sùn lọ́wọ́.
Ní ọjọ́ kan, ó fun ilẹ̀kùn ìbùsun rẹ̀ ní ìpá, ilẹ̀kùn ṣí! Ó subú lulẹ̀, Ó wó kè, Ó ní, "Mo bọ́!"
Ó dá lójú pé aiyé ìyanu n bẹ tí ojú rẹ ẹ̀ máa rí níta!
Aláriwo, ajá kékeré oko náà, rí Ramúramù, ó kígbe, "Wúfù! Wúfù! O kò gbọ́dọ̀ lọ!" Ṣùgbọ́n Ramúramù fún un nígbò.
Ramúramù sáré gun orí òkè, ó wo òfurufú.
"Èhén èn!" ó kígbe. "Mo ti bọ́ lóòótọ́."
Ó fò sókè, ó búsẹ́ẹ́rín, ó yí títí ó fi dé ìsàlẹ̀ òkè náà, ó ba fara gbá nkan, ó dún, "Gbáún!"
Ṣaléwá màálù ló kọ lù!
Ó n fi imú túlẹ̀, ó sì bẹ̀rẹ̀ sí jẹ koríko, ṣùgbọ́n ó tú dàànù, ó ba ojú jẹ́.
Lẹ́yìn náà, ó rí àwọn adìyẹ tó n jẹ àgbàdo, ó sì lé wọn kiri bí wọ́n n se n kígbe, "Kú, kú, kú," gbogbo iyẹ̀ wọ́n sì n tú ká.
Láìpẹ́, ó tún jí iṣu lọ́dọ̀ ẹlẹ́dẹ̀, ó sì sáré gan pẹ̀lú nkan tí ó jí!
Ó dé ibi tí ilẹ̀ tí tẹ́jú, pẹ̀lú òmùgọ̀ àgùntàn, ó sì rìn wọlé láti máa jẹun.
Ó gbọ́ àjèjì ìfé to jẹ́ kí àgùntàn parapọ̀ láti sá lọ, ṣùgbọ́n kò ya lára; ó dùbúlẹ̀, ó sùn lọ.
Ó gbọ́ ẹ̀ẹ̀rín búburú, ó tají, ó gbòórùn líle tó jáa láyà.
Ramúramù sá pẹ̀lú gbogbo okun, bí ẹ̀ẹ̀rín búburú náà ṣe n tẹ̀le.
Ó sá títí ó fi dé ìbùsun rẹ̀, láti ìgbà náà, kò dá laba láti sá lọ mó.