Ẹdẹvo erọ, Imidaka vẹ Orie hẹ evun orere ọvo ese Koowa. Ayen ivẹ omamọ ugbeyan. Ayen mrẹ ohwohwo kọkekọke. Iruo ọghwẹrẹ ọyen ayen ruẹ. Ayen vwian gagan evun aghwa rayen.

Enukpe ọvo, osio rhọree. Ekakọn nabọ djẹẹ. Ekakọn eje ya re. Ihwo bi mremu ree. Imidaka vẹ Orie kayen muegbe kayen kpo orere ọfa ra guọnọ iruo.

Ayen wọ yaran, kayen mrẹ aye ọvo. "Mamọ oghọuvo," Kayen yerẹn re. O yerẹn ayen nu kọ nọ re, "Itivọ avwan ra?" "Avwanre kpo orere ochekọ na ra guọnọ iruo," Orie kọ tare.

"Idiemu wan se ru?" Aye na kọ nọ re. Igbeyan na ke tare, "Avwanre sa vwe emu ke ihwo wẹn vẹ eravwen." Aye na kọ rhoma nọ "Idiemu avwan guọnọre siẹyen emu na ke rhe?" "Ke avwanre ogbọ, ame vẹ eguọnọ," kayen vuẹrẹ.

Aye na kọ rehẹ ayen kpo uwovwin rọyen.

Oghọuvo ọvo, Orie vẹ Imidaka kayen phraphro. Imidaka nẹ ọyen titiri vrẹ Orie. Orie nẹ ọyen me titi vrẹ Imidaka.

Aye na ko nyen ẹbe ayen ta evun rẹ uvun rọyen. Ọwọ phia kọ nọ re "Idiemu suavwan ohọre?"

Imidaka ọyen ka kpahẹ ota. "Mẹ vwẹ ime titi vrẹ Orie. Mẹ vwẹ ọyen vwẹ awọ ewo ru igari, usin vẹ ifẹniyan."

"Irhen mẹ asa kọn. Ẹbe vẹ ugboma me sa ghẹrẹ eravwe. Ki idiemu Orie ruẹ?" Imidaka kọ nọ re.

Orie kọ hwẹre, kpoghẹ uyovwin kọ tare, "Oni, wọ karo phihọ ame-edi ojewe gagan? Me vwẹ ọyen wọ cha."

"Mẹ vwẹ ọyen vwẹ evwri ewo cherẹ ikara vẹ evwri awọ frare erin vẹ eravwen. Mavọ wo ru cherẹ irhibo vẹ erọvwọn san san evwri wo jẹ dia?"

"Ọfa je erọ, ilele mẹ ọyen awọ bẹn uwovwin. Evwri oma mẹ ọyen vwẹ ẹwẹn kpotọ kugbẹ avwẹrhẹn ode rẹ udi Urhobo ada vwianu."

"Ọrọ ma kpahobọ, eghan awọ hwere uwovwin vẹ egodo mẹ vwẹ ọyen vworo," Orie ko hwota phiyọ.

"Hmmm!" aye na ko kpoghuyovwin. "Oteri igbeyan, mi nyẹn obe avwan tare. Mi cha rhuerota phiyọ."

"Avwan ihwivẹ titiri vwọ kevwẹ. Avwan ihwivẹ kugbe sa chere emu, usin vẹ ame-edi!" aye na kọ tare.

Aye na kọ chere ame-edi kugbẹ usin nẹ evun imidaka. Ko sẹ igbeyan irhi riemu vẹ ọyen. Emu na nabọ vwerhẹn ayen gagan. Ravwẹn ẹdẹ yena, Imidaka vẹ Orie nabọ yerẹn kugbe.