Be ko lԑ duade kԑ tԑŋ bↄ naanyo. Amԑhi shi yԑ akrowa ko ni atsԑↄ lԑ Koowa. Okwaafoi ji amԑ. Amԑtsuↄ nii jogbaŋŋ. Daa gbi lԑ amԑyasraa amԑhe.

Afi ko nↄ lԑ, nugbↄ enԑԑԑ yԑ Koowa akrowa lԑ mli. Ŋmↄshi nibii ekwԑԑԑ. Hↄmↄ kple ko ba. Anaaa niyenii aye.

Gbi ko be ni duade eyasra tԑŋ lԑ, amԑto amԑyiŋ akԑ amԑbaafa gbԑ koni amԑyatao nitsumↄ kroko amԑtsu.

Be ni amԑfaa gbԑ lԑ, amԑkԑ yoo ko kpe. "Minaokoo Awo." Duade kԑ tԑŋ ŋa yoo lԑ. Yoo lԑ here amԑ nↄ ekԑԑ, Naejↄ anyԑmimԑi, "Nԑgbԑ nyԑyaa ni etↄ nyԑ nԑkԑ?"

"Wↄmiiya wↄyatao nitsumↄ yԑ akrowa kroko nↄ wↄtsu. Bԑ ole akԑ hↄmↄ eba," Tԑŋ kԑԑ.

Yoo lԑ bi amԑ akԑ, "Mԑni nitsumↄ nyԑbaasumↄ ni nyԑtsu?" Amԑhere nↄ akԑ, "Wↄbaaha oweku kԑ okooloi niyenii."

Yoo lԑ bi akԑ, "Mԑni nyԑbaahia kԑha nitsumↄ nԑԑ tsumↄ?" Amԑkԑԑ lԑ akԑ, "Wↄbaahia shikpↄŋ kpakpa, nu kԑ nↄkwԑmↄ kpakpa."

Yoo lԑ kԑ amԑtee shia ni ekԑ amԑyahi shi jogbaŋŋ.

Shwane ko lԑ, duade mlifu Tԑŋ. Amԑnↄ jogbaŋŋ. Duade kԑԑ ehe yԑ sԑԑnamↄ fe Tԑŋ. Tԑŋ hu kԑԑ ehe yԑ sԑԑnamↄ fe duade.

Yoo lԑ nu nↄmↄ lԑ he. Ejekpo yԑ tsu lԑ mli ni ebabi amԑ akԑ, "Mԑni eba ni nyԑnↄↄ?"

Duade wie klԑŋklԑŋ. Ekԑԑ, "Mihe yԑ sԑԑnamↄ fe Tԑŋ. Mi mihaa bo duade ni okԑfeↄ niyenii srↄtoi tamↄ fufui, gali, duade agwao kԑ agbilima."

Kԑfatahe lԑ, oduↄ mitsei lԑ. Mibai kԑ mihetotoi lԑ hu lԑↄ okooloi lԑ. Nitsumↄi enyiԑ sↄŋŋ Tԑŋ tsuↄ ehaa bo?

Tԑŋ ŋmↄ mugԑԑ, ehoso eyitso ni ekԑԑ, "Awo, mile akԑ osumↄↄ ŋme wonu jogbaŋŋ."

"Ole hu akԑ mi mihaa bo ŋme ni okԑhoↄ wonu. Mutsuru ni okԑhoↄ kpokpoi lԑ jԑ mi mli. Ŋmԑmu ni okԑshiↄ loo lԑ hu mi mikԑbaa."

Agbԑnԑ hu, mibԑlԑo lԑ okԑhaa agbai ni yↄↄ shia nԑԑ mli lԑ ayiteŋ: amԑ haa bo hↄↄ yԑ agbai lԑ ashishi. Asaŋ, onuↄ daa dↄkↄdↄkↄ ni jԑↄ mimli lԑ okԑjↄↄ otsui he. No ji Tԑŋdaa kpakpa kԑ ehiԑ afui, ni oshwԑԑԑ he lԑ.

Enԑԑmԑi fԑԑ asԑԑ lԑ, bↄlↄi ni okԑbԑↄ shia mli kԑ agbo naa lԑ, mi mihaa bo.

Hmmmm! Yoo lԑ mu fuaa ni ekԑԑ, "Yoo! Minu nyԑ sane lԑ."

"Nↄ ni makԑԑ nyԑ ji, nyԑ fԑԑ nyԑhe yԑ sԑԑnamↄ kԑha mi. Minyԑԑԑ maye duade folo. Minyԑԑԑ maye ŋme hu folo. Nyԑ yi enyↄ lԑ fԑԑ haa mi niyenii srↄtoi. Enԑ hewↄ mikԑԑ nyԑ fԑԑ nyԑhehiaa naakpa lԑ."

Yoo lԑ kԑ duade shi fufui. Enu ŋme lԑ ni ekԑhoo wonu. Eŋmԑ okpↄlↄ ni efↄ nine etsԑ enanemԑi. Amԑbaye fufui kԑ ŋme wonu lԑ. Amԑmiishԑ niyenii lԑ he jogbaŋŋ.

Kԑjԑ nakai gbi lԑ nↄ lԑ, duade kԑ tԑŋ naanyobↄↄ lԑ mli bawa kpeŋ.