Ewia baatan no yɛɛ n'adwen dɛ ɔbɔkɔ akɛserɛ n'akyerɛbaa, Bosoom. Akyerɛbaa Bosoom tse wimu ne fa beebi. Ewia kaa kyerɛɛ efua dɛ, "Mebɛba seseiara."
Aber a Ewia kɔree no, nna mbepɔw so bobɔɔ hɔn nduukuu efufuw no.
Mframa nye ndua nyaa ekyingyesɛm. Ndua no bo fuwii. Hɔn nhataw guu hɔ nyinara.
Wimu hyɛɛ ase hwinhwinii. Ɔdaan nsonso.
Mununkum hunii no, hɔn werɛ howee. Wɔhyɛɛ ase sui. Nyinsuwa yɛɛ pii.
Wiase nyina hyɛɛ ase dɛ ɔrodɔ esukɔ.
Merekyerɛ yi, wimu ne fa beebi so Ewia ayɛ krado dɛ obegyaa n'akyerɛbaa hɔ. Ɔserɛɛ Bosoom kwan na ɔkɔr fie.
Wimu n'enyi gyee papanara dɛ ohun dɛ Ewia n'enyi asesa ayɛ bibir a ɔhoa kakra. Mbepɔw faa hɔn ntar momon hyehyɛe.
Mframa no kɔree kɛdae. Ndua no tserɛww hɔn mu na wɔserewee.
Mununkum no enyi gyee dɛ wohun Ewiabaatan bio. Wɔkɔree kedzii agor.
Nduaba nkakraba pii fii asaase tsir mu puepuei bɛkaa dɛ "aoo." Wiadze no nyinara yerɛwee.
Ewiabaatan hyerɛnee wɔ beebiara. "Mekaa kyerɛɛ hom dɛ mebɛba bio," ɔserewee.