Kenle Mɔɔ Ewia Ne Hɔle La
Khothatso Ranoosi
Jesse Breytenbach
Nzema

Ɔmɔ Ewia yεle ye adwenle kɛ ɔka kpɔla ɔdiema raalɛ siane. Ɔmɔ Siane de anwomanyuunlu ahane ɛkɛ ne. "Meba kɛkala," ɔmɔ Ewia hεlale amungu ne.

1

Ɔmɔ ewia hɔle la, awoka ne ɔbɔle bɛ duku fufule ne mɔ.

2

Mgbonde zile anwoma ne nee mbaka ne mɔ avinli. Mbaka ne mɔ vale ɛya. Bɛ kpolole bɛ nya ne mↄ bɛguale ɛleka biala.

3

Anwomanyulu bɔle ɔbo kɛ ɔbobɔnu. Ɔhakyile ɔyɛle kɛ nzonle.

4

Amungu ne mɔ lile nyane kɛ ɛhye mɔ ɛlɛsi a. Bɛ bɔle ɔbo kɛ bɛsu. Monle dɔɔnwo rale.

5

Nzule ewiade amuala.

6

Noko akee, wɔ anwomanyulu ahane ɛkɛ ne, ɔmɔ Ewia ne ɔdiema ɔmɔ siane ɛlɛdi nrɛlaleɛ kɛ ɔkɔ. Ɔhɛlale ye na ɔhɔle sua nu.

7

Anwomanyulu anye liele kɛ ɔmɔ Ewia ɛra la ati ɔhakyile ɔyɛle buluwu nwaanye. Awoka ne mɔ wulale bɛ adeladeɛ amunle ngelɛma ne mɔ.

8

Anwoma ne hɔlale. Mbaka ne mɔ dɛlɛle bɛ ngane ne mɔ anu na bɛzelele.

9

Amungu ne mɔ anye liele kpalɛ kɛ bɛnwunle ɔmɔ Ewia la. Bɛhɔle bɛlile nrɔhoa.

10

Mbaka ngikyi fifile azɛlɛ ne azo na bɛhanle kɛ "hallo." Ewiade amuala dale biako.

11

Ɔmɔ Ewia dale ɛleka biala. "Menganle kɛ me baza mara," ɔzelele na ɔdale.

12
You are free to download, copy, translate or adapt this story and use the illustrations as long as you attribute in the following way:
Kenle Mɔɔ Ewia Ne Hɔle La
Author - Khothatso Ranoosi, Marion Drew
Translation - Henry Filby Gyane (OLE Ghana)
Illustration - Jesse Breytenbach
Language - Nzema
Level - First sentences
© African Storybook Initiative 2015
Creative Commons: Attribution 4.0
Source www.africanstorybook.org
Original source http://paleng.weebly.com/.