Mekɛ tendenle bie mɔɔ ɛze ɛhɔ la, wɔ namule bie mɔɔ bɛfɛlɛ ye Nyamani la, ɛkɛ ne yɛɛ nrenya bie mɔɔ bɛfɛlɛ ye Kiundu dɛnlanle a. Ɔkulo aleɛ lilɛ kpalɛ. Ɔkulo nane lilƐ titile.

Kenle ko, belemgbunli ne mɔɔ wɔ sua ne azo la dole ɛsalɛ vɛlɛle sua ne azo ama amuala wɔ ɔra nrenya ne atɔfolɛ bo.

Kiundu noko dele kɛ ɛnee menli bie ɛlɛka edwɛkɛ avane atɔfolɛ bie noko mɔɔ ɛlɛba zo wɔ namule ne mɔɔ ɔzua bɛ mɔɔ bɛfɛlɛye Katumbi la. "Atɔfolɛ nwiɔ ɛlɛkɔ zolɛ kenle ko!" Kiundu dwenlele nwo.

"Ɔwɔkɛ mekɔ atɔfolɛ nwiɔ ɛhye," Kiundu hanle hilɛle ɔnwo. "Meba lumua meahɔ Katumbi na meza mara Nyamani."

Nwonlomɔ mangye ne ala Kiundu dwazole na ɔdiale ɔhɔle Katumbi namule ne azo. Mekɛ mɔɔ ɔdwule la ɔnwunle ye kɛ ɛnee menli mɔɔ to aleɛ ne la wɔ zo ɛlɛto aleɛ ne. Na ɔhanle ɔhilɛle ɔnwo kɛ, "Mebaza meahɔ Nyamani na amoziye mara Katumbi."

Kiundu diale hɔle Nyamani, kɛ ɔkadwu la ɛnee aleɛ ne ɛbe. Ɛnee akee ɛhɔne ɛlɛku ye. Mekɛ mɔɔ ɔdwule la ɛnee menli ne mɔ asa wɔzo ɛlɛto aleɛ ne.

Hanle kɛ, "Mekɛ mɔɔ menvile Katumbi la ɛnee bɛhyɛ ɔbo kɛ bɛto aleɛ ne." "Kɛkala deɛ kabezɛ aleɛ ne ɛbe." Kiundu zale hɔle Katumbi. Ɛhɔne hunle ye kpalɛ.

Mekɛ mɔ Kiundu dwule Katumbi la, ɛnee menli ne mɔ ewie aleɛne di dɛbadɛba. Nyɛvolɛ ne mɔ ɛlɛfa bɛ ahyɛlɛdeɛ ne mɔ amaa atɔfolɛma ne mɔ. Kiundu ɛnlɛ ahyɛlɛdeɛ biala mɔɔ ɔfa yeama atɔfolɛ ma ne mɔ a. Ɔrale kɛ ɔba yeali aleɛ ala.

Kiundu arɛle bɔle kpalɛ kɛ bɛli aleɛ ne bɛgyaki ye a. Ɔbɔle ɔti anu kpɔkɛ kɛ ɔbaza yeahɔ Nyamani namule ne azo. Ɛvɛlɛ nee ɛhɔne hunle ye kpalɛ na ɔdiale bɛtɛɛ.

Mekɛ mɔɔ ɔdwule Nyamani namule ne anu la, ɛnee menli ne mɔ ɛlɛ to edwɛne azi agole. Ɛnee bɛli aleɛ ne mɔ amuala dɛbadɛba!

Mekɛ mɔɔ ɔdele kɛ aleɛ biala ɛne ɛkɛ la, Kiundu pɛlefinle. Yeanya aleɛ biala wɔ atɔfolɛ nwiɔ ne abo. Mekɛ mɔɔ ɔnyezo tetele ye la ɔnyanle koko ekyi ɔnlonle wɔ kanrelɛ ekyi bie anu!

Kiundu hɔle sua nu mɔɔ ɛnee ɛhɔne ɛlɛku ye a.