Be ko nɛ be momoomo ngɛ Lolonya kɔpe ɔ, nyumu ko hi si nɛ a leɛ kaa Kiundu. E suɔ ni yemi waniɛɛ nitsɛ. Nɔ nɛ e suɔ pe tsuaa ji delo.

Higbi ko ɔ kɔpe ɔ mi nɔkɔtama fɔ kɔpɔli ɔmɛ tsuo nine kɛba e bi nyumu yo kpeemi he.

Kiundu nu nɛ nihi ngɛ yo kpeemi ekpa he okplɔɔ hgmɛmi ngɛ. Azizanya kɔpe nɛ bɛnkɛ he munyu tue. Kiundu susu ke, "Okplɔɔgmɛmi enyɔ ngɛ ligbi kake nɔ!"

Kiundu de e he ke, "E hia kaa ma ya okplɔɔgmɛmi enyɔ ɔmɛ tsuo." "Kekleeke ɔ ma nyɛɛ kɛ ya Azizanya nɛ ma kpale kɛ ba Lolonya."

Kiundu te mɔtu mla nɛ e nyɛɛ ko ho Azizanya kɔpe, ya. Be nɛ e su ɔ e na kaa ni hooli ɔmɛ ngɛ ni hoomi ɔ nɔ. Kiundu ma e juɛm nya si ke, "Ma kpale kɛ ho Lolonya ya nɛ ma kpale kɛ ba hiɔ pee se."

Kiundu nyɛɛ kɛ ba lolonya kɛ hɛnɔ kami kaa e ma ban a delo ɔ bemi. Huɔ ngɛ lɛ yee jeha. Se be nɛ e ba su ɔ, ni ɔmɛ hu ngɛ ni hoomi ɔ nɔ kpam.

"Be ni nɛ i si Azizanya a, a bɔnii ni ɔ hoomi," e pue e yimtɛ. "Bɛ nɛ mi ɔ ko hoo ni ɔ ta." Lɔɔ Kiundu kpale nyɛɛ kɛ ba Azizanya. Huɔ nitsɛ ngɛ lɛ yee.

Be ni nɛ Kiundu su ɔ Azizanya a, a ye ni momo. Nihi nɛ a kpee nkɛ ba okplɔɔ ngmɛmi he ɔ bɔni a nikehi ngɔmi kɛ ngɛ ayɛflo yo kɛ ayɛflo nyumu ɔ hami. Kiundu be nᴐ ko. Ni pɛ nɛ e ngɛ wae maa ye.

Kiundu hemi jɔ kaa e nɛ ni nɛ. E to e yim kaa e maa kpale nyɛɛ kɛho Lolonya kɔpe ya. Huɔ ngɛ lɛ yee nɛ pɔ tɔ lɛ nɛ e ngɛ nyɛɛ blɛuu.

Be ni e su Lolonya kɔpe ɔ nihi ngɛ laa nɛ a ngɛ doo. Ni ɔmɛ ye ni ɔmɛ tsuo momo!

Kiundu hɛli be nɛ e nu kaa niyeni ɔ tsuo ta a. Delo ngmɛɛ lɛ ngɛ okplɔɔgmɛmi he enyɔ ɔmɛ tsuo. Be nɛ e hɛmi tɛ ɛ, e na akasa ko ngɛ kɔɔpoo wayoo ko mi!

Kiundu nyɛɛ kɛho we mi ya ekohu kɛ e mimi huɔ.