Nyɛ awo Hulu yasara enyɛmi yoo nyɔɔŋtsere. Nyɛmi yoo Nyɔɔŋtsere hi shi yɛ ŋwɛi heko banee. "Maku misɛɛ nɔŋŋ," Hulu kɛɛ atatui lɛ.
Be ni Hulu shi jɛmɛ lɛ, gɔji lɛ fimɔ amɛduku yɛji lɛ.
Kɔɔyɔɔ kɛ tsei lɛ gba kadaŋŋ. Tsei lɛ mli fu. Amɛkpɔlɔ amɛbai lɛ shwie jɛmɛ.
Ŋwɛi bɔi mligbigblimɔ. Esu tsɔ lamlu su.
Atatui lɛ werɛho amɛhe be ni amɛna nakai lɛ. Amɛbɔi yaafo. Yaafo nu lɛ fa naakpa.
Je lɛ fɛɛ bɔi shiumɔ yɛ nu shishi.
Yɛ ŋwɛi fa kome lɛ, Hulu efee klalo akɛ ebaashi enyɛmi yoo lɛ. Eshɔ Hulu naa kɛha lɛ yaaba ni eshi lɛ etee shia.
Ŋwɛi miishɛ jogbaŋŋ akɛ ena hulu. Enɛha etsake etsɔ bluu. Gɔji lɛ wowoo amɛ atadei eŋɔli fɛɛfɛji lɛ.
Kɔɔyɔɔ tee eyawɔ. Tsei lɛ kpa amɛgbeji lɛ amli ni amɛŋmɔ mugɛɛ.
Atatui lɛ miishɛ jogbaŋŋ akɛ amɛna nyɛ awo Hulu ekoŋŋ. Amɛshi jɛmɛ amɛyashwɛ.
Tsei bibii babaoo jejeekpo kɛjɛ shikpɔŋ ni amɛkɛɛ "hɛlo." Je lɛ fɛɛ kpɛ haŋŋ.
Nyɛ awo Hulu kpɛ ekane lɛ yɛ he fɛɛ he. "Mikɛɛ nyɛ akɛ maku misɛɛ," ekpɛ haŋŋ.