Faŋa to baaro wodwoŋe mɔ daama wo Nyamani teo ne ba na bwoi-o we Kiundu. O dɛɛm lage dim dedɛ. O dɛɛm nam teeni o lage nɔna donem mo.

Dɛ dedoa mo teo kom pɛ bwoŋe nɔɔna se bà ba o bu kadiri jeiro ne.

Kiundu daama ni ba na ŋɔɔne kadiri jeiro kodwoŋe teo na bwola pa se ba bwoi ko we, Katumbi to. "Jeiro telei dɛ dedoa!" Kiundu na boŋe o pa o tete.

Kiundu maa ta o boboŋa ne o we, "Ko jege se a vu jeiro telei tem maama mo." "A wo bobo a vu Katumbi mo ye a laam jwoori a ba Nyamani."

Kiundu maa zanŋi titinti o vu Katumbi. O na yi daane to, ba ta wora ba saŋe wodiiru tem mo. Kiundu maa boŋe se o jwori Nyamni se o laam jwori o ba ywo. Kwaya yirani.

Kiundu jwori o vo Nyami ye o jege tiina we nôna yam wo ti ya yiga. Kana laam ma jege-o. Amaa o na yi da to, ba ta wό saŋe wodiu kom ba ti.

"A na yage Katumbi maŋa kalo to, ba bobo saŋem mo." O boŋe konto mo. "Tento wɛɛne wodiu kom bega." Kiundu maa jwori o vo Katumbi. Kana laam jege o dedɛ.

Maŋa kalo Kiundu na yi Katumbi to nɔɔna bam di wodiu kom ba ti. Veira laam mo wora ba pae ba pɛɛra ka-dooro de o baro wom mo. Kiundu ba jege pɛɛre se o pa. Wonto lage dim yerane mo.

Kiundu wo chɔge dedɛ de o na wό yi wodiu kom to. O maa boŋe se o jwori o vu Nyamani. Kana kam laam nige o dedɛ ye o kwori o bugi pa se o daa ware o vu lela lela.

O na yi Nyamani teo kom ne to, nɔɔna bam wora ba leini ye ba sae mo. Ba maŋe ba di wodiu kom maama!

O na nige we wodiu daa teira to Kiundu beiri mo. O gɛ nɔna yam jeselei sem maama ne. O yia na puri ye o zaŋa wɛne to, o nɛ gole kapwaano fenfee mo zuŋa wone o nyɔ!

Kiundu jwori sɔŋɔ de o kana.