Saŋɛ na ashi Nyamani Kanyen ko e daa wɔ ndoŋ nɛ baa terɛ mo Kiundu.

E daa ji na ga foŋ foŋ eblaŋ nɛ e daa sha ga.

Kachako nɛ kade na to be ewura tere bumo kikɛ mobe kebia be kijafo.

Kiundu malɛ nu baasa ka bee malga kijafo ko be asheŋ ashi katumbi.

"Ejikpa nyɔ kachɛ koŋwnle!" nɛ Kiundu fɛ mfɛra.

"Adaga n ka yɔ mboŋ to nyɔ na kikɛ," nɛ Kiundu malga n sa mobe kumu. "Meeŋ daŋ ko wule n nite n yɔ katumbi pɔɛ mbita n ba Nyamani."

Kiundu wule n koso chupur didi n nite n yɔ Katumbi. E ka ya fo ɛ wu fanɛ budaŋepo na kraa daŋɛ ajibi na nna.

Nɛ Kiundu yɛ, "Meeŋ bita Nyamani pɔɛ mba kamanto."

Kiundu bita n nite n yɔ Nyamani a fɛ fanɛ e daaŋ ya tu nɛ bu daŋɛ eblaŋ na n luwe. Nɛ akoŋ kumo.

Ama saŋɛ nɛ e bita mba, nɛ bumo alɛ gba kra daŋɛ ajibi na nna.

"Saŋɛ nɛ n ler Katumbi na nɛ bu kra blasé na nɛ be daŋɛ," mobe mfera to. "Ajibi na bil ndoŋ."

Amoso Kiundu bita n nite a yɔ Katumbi. Nɛ akoŋ kumo nanniaerega.

Jiminɛ nɛ Kiundu fo Katumbi nɛ bu tiɛŋ ji n luwe. Hali nɛ bumo ne bu tere na bee sa ejafoche nɛ ejafonyen na asɔ.

Kiundu maŋ kɔ shɛŋ nɛ e sa. Kiji to nɛ e ba.

Nɛ kuwɔrɔ Kiundu kagbenejaja nkpal e ka maŋ tu ajibi na so. Nɛ e bita nite n yɔ Nyamani to.

Akoŋ daa ko mo nɛ e naaŋ gben amoso e nite na bɔin a yɔ.

Saŋɛ nɛ e ya fo Nyamani to nɛ baasa na bee boŋ n she n kaa cha.

Bu ji ajibi na kikɛ n luwe!

Jiminɛ nɛ e nu fanɛ ajibi mo naa wɔta, nɛ e krieŋ. E maŋ nya eblaŋ m boŋ to nyɔ na be kikama.

Saŋɛ nɛ mobe anishi ka ya buwi nɛ bu sa mo koko gbrɛ kɔpu to!

Kiundu ta akoŋ nna, nite nyɔ epe.