Saha shɛli ha tiŋkpanshɛli yuli daa booni Nyamani. Ka doo daa beni ka o yuli booni Kiudu. O daa diri pam. Ka daa bori nimdi ŋubu n-ti yaɣi.

Dahinshɛli, tiŋkpaŋa maa naa daa boli tiŋkpanima maa zaasa ni bɛ kana n-ti nya o bidibila ni yɛm lo amiliya shɛm.

Kiundu daa lahi wum niriba ni yɛri amiliya lobu laɣim di lahibali tiŋkpaŋshɛli tabina ka di yuli daa booni Katumbi. "Laɣim di buyi dabsili yiŋga!" Kiundu tɛhigu.

"N ni bahi chaŋ laɣim di buyi maa ni," Kiundu yɛli ti o maŋa. "N ni tuui chaŋ Katumbi ka naayi labina Nyamani."

Kiundu daa neei asibasi n chaŋ Katumbi tiŋkpaŋa. O na daa paai o daa nya ka bɛn duɣiri maa na duɣiri bindirigu maa. "N ni labi Nyamani ka labina kpe di yi tooi biɛla," Kiundu gbaaya.

Kiundu daa chaŋ labina ka maani tahima ni nimdi maa biya. Kum n daa mali o pumpɔŋɔ. Amaa o ni daa paana, niriba gba daa na duɣiri bindirigu maa.

"Ni daa yiɣisi Katumbi bɛ daa pila duɣibu," O tiɛya. "Bindirigu maa tu ni di bi pumpɔŋɔ." Di zuɣu Kiunda daa chaŋ labina Katumbi. Kum daa wum o viɛnyɛliŋga.

Sahashɛli Kiundu ni daa zaŋ ti paai Katumbi, niriba daa pun dimi. Saamba daa tirila amiliya mini ango sɔŋsim. Kiundu daa ka pini n-tira. O daa borila dibu kɔŋko.

Kiundu daa niŋ suhugarigu yaɣi zaŋkpa o ni daa pooi maa. O daa gbaaya ni o chaŋ labi Nyamani tiŋkpaŋa. Kum mini wumsmi n daa gbaagi o, ka o daa chani belabela.

O ni daa paai Nyamni tiŋkpaŋa, niriba n-daa yiina ka wara. Bɛ daa pun di bindirigu maa zaa naai!

O ni daa wum ni bidirigu kani, Kiudu nini daa sabi o mi luhi. O daa pooi nimdi laɣiŋgunima ayi maa ni. O nini ni daa ti neei, o daa nyɛ kukɔɣli biɛla kɔpu bila ni!

Kiudu daa lahi chaŋ labi yiŋa ni kum.