M ma Wuŋtaŋa dihi tabili ni o ni chaŋ nti kaai o tuzopaɣa goli. O tuzopaɣa Goli daa bela zuɣu saa yaɣ'shɛli polo. "Di ku yuui n ni labina," Wuntaŋa daa yɛli sagbana.

Wuntaŋa ni daa chaŋ, zoya daa zaŋ bɛ bɔbipiɛla bɔbi.

Nangbankpeeni daa lu pɔhim mini tihi sunsuuni. Tihi daa je suli. Bɛ daa gbaɣiri bɛ vari yaɣiri luɣuli kam.

Zuɣu saa daa pili ŋumbu. Ka ku n-sabigi.

Sagbana ni daa nya lala bɛ suhu daa bi paligi. Ka pili kuhigu. Bɛ nintam maa daa galisiya.

Ka dunia zaa daa pili kom ni limbu.

Dinsaha ka Wuŋtaŋa maani shili ni o chɛbisi o tuzopaɣa zuɣu saa yaɣ'shɛli polo o ni be maa. Ka o daa chɛbisi goli ka kuli.

Ka zuɣu saa suhu daa paligi o ni nya ka Wuntaŋa lɛbi nuɣiso n nyalisira maa. Dinsaha ka zoya zaŋ bɛ nɛma din nyɛ vakaha la n-ye.

Ka pɔhim daa chaŋ n-ti gbihi. Ka tihi teei bɛ wula ka la.

Ka sagbana suhu daa paligi bɛ ni daa nya m ma Wuntaŋa yaha. Ka bɛ daa ŋmaligi chaŋ nti diɛmda.

Ka bin bilima pam daa bili tingban ni ka yɛli, "Mbo nfaaŋa." Ka dunia zaa daa neegi ka nyɛlisira.

Ka m ma Wuŋtaŋa neegi o furla luɣuli kam. "N daa yɛliya ni n ni labina," ka daa niŋ suhupiɛlli.